بومة وتعبان ومستكة وحبهان
عدد التعليقات : 0
12 point 14 point 16 point 18 point
2015-08-02 08:38:57

 

ربنا يشفي شكرية … عيانة ليها أكتر من شهرين… إخواتها داخوا بيها… لعشر دكاتره راحوا سوا…

ولا حد عرف لها تشخيص ولا دوا… بس الحمد لله… أخيرا ولاد الحلال دلوهم على الدكتورالفذ سعيد أزأز…

وفي عيادة الدكتور أزأز وفي أقل من خمس دقائق يتضح طبعا التشخيص للدكتور النابغة … وفي حركة سريعة وبهلوانية في نفس ينزع دكتورنا العبقري ورقة من دفتر ويمسك بقلمه وبسرعة وتمكن فائق في نفس الوقت يبدأ في إحداث مجموعة من الخطوط الرأسية والأفقية  تربط بينها دوائر لوزعية ودوامات حلزونية تشبه رسومات فنانين الكاريكاتير التي تعرض أحيانا على شاشة التليفزيون وهم يرسمونها بالتصوير السريع…. الفرق هنا أن الكاريكاتيري يفرز صورة لها معني تفهمه العين (كلب، قطة، بني آدم) في حين أن الدكتوري هنا أفرز لنا لوحة تشبه تصاوير الفنانين البوهيمين التي تعبر عن صراع الإنسان الأنوي ضد القوي المتناحرة في صميم الآمان يا لا للي والتي على الرغم من وضوحها لأقرانه من باقي الفنانين البوهيمين إلا أنها للأسف تظل غامضة وغير مفسرة لعامة الجهلة المجتهدين  ….

يتضح بعد ثواني أن هذا العمل الفني المشخبط الذي أفرزه الدكتور أزأز هو روشتة شكرية وليزيد الطين بله يبلغهم أزأز في نهاية الزيارة: على فكرة العلاج ده مش أدوية، ده تركيب، من إختراعاتي، لأنه شركات الأدوية لسه ما وصلتش لسر الدوا ده… أشوفكم بعد شهرين…   وسافر أزأز يصيف…

خرجت شكرية وإخواتها بالروشتة من عند الدكتور… فرحانين ومتفائلين… ومن الشفاء التام متأكدين… مساكين… مش عارفين…  مش عارفين إن المتاعب الحقيقية.. بدأت من اللحظة ديا… 

خط الدكتور يا ناس … ما يتقراش من الأساس … ويخلي الصيدلي يحتار ويحتاس… والمرة دي كمان تركيبة، مش أدوية تتصرف ولو حتى بالشبه مهما كانت غريبة…

وتمر أيام وأسابيع … ولا يزال الصيادلة محتارين في فك رموز وصفة الحكيم…

مسكينة شكرية… زي ما الحكما إحتاروا في حالتها، الصيادلة إحتاسوا في قراية روشتتها… 

صيادلة: إحنا ما نعرفش … صيادلة غيرهم: ده أكيد حماده إبن الدكتور كان بيرسم في العيادة وإنتو أخدتوا الورقة دي بالغلط على إنها الروشتة… وغيرهم: ههههه… دي شكلها كده زي خرايط الكنز المدفون في ألغاز المغامرون … وغيرهم: الدكتور ده شكله درس في الصين… هههه… أصل الحروف أصلا شكلها مش إنجليزي…  وغيرهم: إيه ده؟ إوعوا تكونوا بتوع الكاميرا الخفية وكده؟ 

للدرجة دي الصيادلة مستغربة؟ للدرجة دي الروشتة معقربة؟  

إلى أن كانت أخيرا علامة مبشرة بقرب فك رموز الكنز.. أقصد الوصفة…

الصيدلي رقم أربعة وخمسين: عموما أنا هأخدمك … هتروح للأستاذ سمير بيكاسو في العنوان ده… إنت محتاج واحد بيفهم في الأدوية والطب وبره الطب إحتياطي كمان… 

وبعد عدة ساعات… شكري في صيدلية أسامة في الدرب الأحمر حيث يقف سمير بيكاسو ويتمعن في الوصفة…

فاصل: للإستمتاع بقراءة السطور التالية، يمكنك إعتبار أن دور بيكاسو تمت كتابته للفنان الراحل الجميل عبد السلام النابلسي ودور شكري تمت كتابته للفنان الراحل الجميل محمد رضا…

Actors keprc

شكري: هاه يا أستاذ بوكاسو… عمال تبص في الروشتة بقى لك ساعة… 

بيكاسو: بتاح محب

شكري: إيه؟

بيكاسو: دي مش وصفة دوا…

شكري: أمال دي إيه؟

بيكاسو: تعويذة… تعويذة ضد الحسد

شكري: إنت بتهزر يا أستاذ؟

بيكاسو: بيكاسو ما يهزرش… وبعدين هو إحنا نعرف بعض قبل كده عشان أهزر معاك؟ دي تعويذة فرعونية من أيام الاسرة التالتة… بص لو سمحت… بص كويس في الورقة … بص كده هنا على الجنب في اليمين… شايف؟ شايف دي إيه؟

Nabulsi Joking Rheumatoid

شكري: أنا مش شايف غير نبش فراخ… 

بيكاسو: لو سمحت يا أستاذ… صحصح معاية شوية… ما تقفلش مخك… دي بومة

شكري: يا سلام… بومة؟ 

بيكاسو: أيوه بومة … شايف العينين؟ … شايف الودان؟ … شايف المناخير؟

شكري (بعد صمت وبعد أن تجحظ عيناه ببهجات مشروع فهم): آه والله صحيح… دي فعلا بومة… وإيه اللي جاب البومة في الروشتة بتاعة أختي شكرية؟

بيكاسو: ركز معايا لو سمحت… شايف اللي تحت ده بعرض الصفحة؟

شكري: أيوه… إيه ده بقى؟

بيكاسو: يا أستاذ ركز شوية يا أستاذ… تعبان… مش شايف؟

شكري: خلاص يا سيدي، تعبان، تعبان… 

بيكاسو: التعبان ده عايز يئذي أختك شكرية… لكن البومة دي واقفاله بالمرصاد… شايف واقفاله إزاي بالمرصاد

شكري: آه… فعلا… واقفاله زي أبوفصاد

بيكاسو: بص هنا بقى كده معايا لو سمحت.. شايف هنا فوق على اليمين برضه؟ شايف إيه ده؟

شكري: لأ، لا مؤاخذه مش واخد بالي

بيكاسو: شايفها طالعة إزاي هنا؟

شكري: إيه ده؟ أختي شكرية طالعة في الروشتة هي كمان؟

بيكاسو: شكرية مين بس؟ … الشمس يا بني آدم… الشمس طالعة… وده معناه إن البومة بإذن الله هتنتصر على التعبان

شكري (بإنشكاح): بجد؟ ربنا يزيدك من علمه يا أستاذ… إنت أول واحد يعرف يستقرالنا الهوروغليفى ده، بس هو يعني، لا مؤاخذه يعني، هي الوصفة دي ما فيهاش أي تركيبة؟ أصل الدكتور قال لنا إنها تركيبة

بيكاسو: إزاي ما فيهاش تركيبة؟ فيها طبعا… أمال إنتا جاييلي هنا ليه؟ مش عشان تعرف سر التعويذة؟ مش عشان تعرف سر التركيبة؟ شوف يا أستاذ … مكتوب هنا أهه بس باللغة المصرية القديمة إنك لازم تجيب أربع حبات حبهان ومعلقة صغيرة مستكة …

شكري: فين ده؟

بيكاسو: هي دي يعني اللي فرقت معاك أوي تعرف هي فين؟ … أهى يا سيدي … شايف النقط دي؟ دي هي حبوب الحبهان … ده الدكتور حتى بدل ما يكتبها رسمهالك يا أخي عشان تبقى واضحة ومحدش يتلخبط…

شكري: آه والله فعلا… أمال محدش ليه عرف يستقرالنا الوصفة قبل كده؟

بيكاسو: لأنهممم مششش بيكاسو… شوف، هتبل الوصفة دي في مياه وتحط معاها الحبهان والمستكة وأختك تشرب بؤة مياه الصبح وبالليل لمدة تلات ايام … وإن شاء الله هتبقى زي الفل وتدعيلنا أكيد…

شكري: يعني فيه أمل يا أستاذ إن بإذن الله كده البومة هتنتصرعلى التعبان الجبان ده اللي في قعر الوصفة؟

Reda Rheumatoid

بيكاسو: شوف أهه إنت كده أخيرا بدأت تفهم.. ههه… إنت أكيد ليك جذور فرعونية… شوف يا سيد شكري، طول ما فيه في الدنيا ناس حلوين زيك كده، البومة دايما هتنتصر…

 

_____

تعقيب للقاريء:

خط الكثير من الأطباء في غاية التدهور والسوء والمريض المصري، كما عهده الأطباء، عادة لا يشكو ولا يئن، ويقبل بكل أنواع التجاوزات التي تفرض عليه ويصر على تأليه الطبيب على الرغم من كل شىء… أن تطلب وصفة مقروءة هو واحد من الكثير من حقوقك العلاجية الأساسية التي تنازلت عنها، وذلك لأن صرف أدوية بالخطأ من الصيدلي قد يكلفك تطور مرضك وذلك لأنك لم تصرف علاجك الصحيح، إن لم يكلفك، في اسوأ الحالات، حياتك نفسها… لابد من وقفة ولابد أن يكون المريض (المتضرر الاساس) جزء منها

_______

هذا المقال من إصدارات لجنة المسؤلية الإجتماعية (حملة مريض له حقوق) بعيادات كيبرك بالمعادي بالقاهرة والتي تضم مجموعة من النشاطات التطوعية التي تهدف إلى تطوير المجتمع المصري والمساهمة في إرتقائه

______

أهم نشاطات المسؤلية الإجتماعية لعيادات كيبرك هي:
حملة إعرف تصح: ومهمتها تثقيف المجتمع بالأمراض الشائعة وطرق الوقاية منها وتتضمن الموقع الإليكتروني التثقيفي روماتيزميات

حملة حياتي أسهل: وتتبنى نشاط تثقيف المجتمع بطرق وأساليب تسهيل الحياة اليومية

دورات التنمية البشرية للأطباء: بهدف رفع مستوى التواصل بينهم وبين المرضى

حملة مريض له حقوق: نشاط توعية المجتمع بحقوقه فيما يختص بمستوى وجودة الخدمة الطبية التي يجب أن يحصل عليها من العيادات والمستشفيات

حملة بكره الجميل بمصريين متحضرين وهدفها المساهمة في تعديل إيجابي لسلوكيات المجتمع وإحياء الضمير في شتى تعاملات ومجالات الحياة اليومية وغرز روح وثقافة النحن في أبناء وبنات مصر من سن 5 إلى 15 سنة

حملة في بيتنا زرعة وهي تتبنى دورات لتثقيف محبي النباتات بطرق سهلة لزراعة ورعاية النباتات بالمنزل

______

قام بكتابة هذا الحوار الأستاذ الدكتور حاتم حمدي العيشي. الدكتور حاتم يعمل أستاذ في الروماتيزم والمناعة بكلية الطب

بجامعة القاهرة ويعمل إستشاري الروماتويد المفصلي بعيادات كيبرك بالمعادي بالقاهرة ويعمل أيضا مدير مجموعة

نشاطات المسئولية المجتمعية لعيادات كيبرك وهو أيضا رئيس تحرير موقع روماتيزميات التثقيفى للمرضى

بالبلاد العربية وهو كاتب قصصي ومحاضر في مجال التنمية البشرية.

___

إذا كانت لديك أسئلة أو إستفسارات أو إذا كانت لديك خبرة شخصية أو مقال ترى أنه

في نشره فائدة للمرضى وللعامة، يمكنك التواصل مع حاتم مباشرة على info@keprc.com

سوف نقوم بمساعدتك في نشره على موقع عيادات كيبرك الإليكتروني www.keprc.com وعلى

موقع روماتيزميات www.mafasli.com في أبواب صحافة المرضى إذا كنت مريض وفي مقالات الأطباء إذا كنت طبيب

 

___________________

عيادات كيبرك بالمعادي هي مركز طبي تخصصي يضم تخصصات الروماتيزم وأمراض المفاصل، والأعصاب،

والأمراض النفسية، والإستشارات الزوجية والأسرية، والتغذية وإنقاص الوزن، والسكر وأمراض الغدد،

والجهاز الهضمي والمناظير، وأمراض الكلى، وطب المسنين، والعلاج الطبيعي ويشرف على عياداته

أساتذة بكلية الطب بجامعة القاهرة.

العنوان: 56 شارع المدخل الرئيسي لمدينة المعراج من الطريق الدائري، بجوار معادي سيتي سنتر،

مدينة المعراج، المعادي، القاهرة، جمهورية مصر العربية

لراحة المواطنين توفر العيادات سيارات ليموزين بسائق للتوصيل إلى المركز

تليفون: 0224470791 – 01011179397 – 01022209797

بريد إليكتروني: info@keprc.com

موقع إليكتروني: www.keprc.com

فيس بوك: www.facebook.com/keprc

أضف تعليقك
الاسم :
الإيميل :
عنوان التعليق :
التعليق :
ادخل الرمز :
ابحث عن طبيبك الخاص
أسئلة المرضى المجابة
الأكثر قراءة
القائمة البريدية